ਪੰਜਾਬ ਸਰਕਾਰ ਵਲੋਂ ਪੁਲਿਸ ਵਿਭਾਗ ਅਧੀਨ ਆਉਂਦੀਆਂ 47,218 ਅਸਾਮੀਆਂ ਨੂੰ 31 ਮਈ ਤੱਕ ਜਾਰੀ ਰੱਖਣ ਦੀ ਮਿਲੀ ਮੰਜੂਰੀ

ਚੰਡੀਗੜ੍ਹ 12 ਅਪ੍ਰੈਲ 2022 : ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਨੇ ਪੁਲਿਸ ਵਿਭਾਗ ਅਧੀਨ ਆਉਂਦੀਆਂ 47,218 ਆਰਜ਼ੀ ਭਰੀਆਂ ਅਸਾਮੀਆਂ ਨੂੰ ਵਿੱਤੀ ਸਾਲ 2022-23 ਦੌਰਾਨ ਜਾਰੀ ਰੱਖਣ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਸਰਕਾਰ ਨੂੰ ਇਹ ਅਸਾਮੀਆਂ 28 ਫਰਵਰੀ 2022 ਤੋਂ ਅੱਗੇ ਜਾਰੀ ਰਖਣ ਦੀ ਤਜਵੀਜ਼ ਭੇਜੀ ਗਈ ਸੀ, ਜਿਸ ਨੂੰ ਲੈ ਕੇ ਇਸ ਸਾਲ ਦੌਰਾਨ ਮਿਤੀ 01.03.2022 ਤੋਂ 31.05.2022 ਤੱਕ ਦੇ ਸਮੇਂ ਲਈ ਇਨ੍ਹਾਂ ਭਰੀਆਂ ਅਸਾਮੀਆਂ ਨੂੰ ਆਖਰੀ ਵਾਰ ਜਾਰੀ ਰੱਖਣ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ, ਇਨ੍ਹਾਂ ਵੇਰਵਾ ਹੇਠਾਂ ਦਿੱਤਾ ਗਿਆ ਹੈ।

ਹਾਲਾਂਕਿ ਵਿੱਤ ਵਿਭਾਗ ਨੇ ਹਿਦਾਇਤਾਂ ਦਿੱਤੀਆਂ ਹਨ ਕਿ ਮਿਤੀ 09.03.2022 ਦੀ ਰੋਸ਼ਨੀ ਵਿੱਚ ਹਰੇਕ ਜ਼ਿਲ੍ਹੇ ਵਿੱਚ ਤਾਇਨਾਤ ਐੱਸ.ਏ.ਐੱਸ. ਕਾਡਰ ਦੇ ਅਧਿਕਾਰੀ ਆਰਜ਼ੀ ਅਸਾਮੀਆਂ ਵਿਰੁੱਧ ਤਨਖਾਹ ਦੀ ਅਦਾਇਗੀ ਤੋਂ ਪਹਿਲਾਂ ਆਪਣੇ ਪੱਧਰ ‘ਤੇ ਇਹ ਯਕੀਨੀ ਬਣਾਉਣਗੇ ਕਿ ਕਿਸੇ ਵੀ ਆਰਜ਼ੀ ਖਾਲੀ ਅਸਾਮੀ ਵਿਰੁੱਧ ਤਨਖਾਹ ਡਰਾਅ ਨਾ ਹੋਵੇ।

ਐੱਸ.ਏ.ਐੱਸ. ਕਾਡਰ/ ਸਬੰਧਤ ਡੀ.ਡੀ.ਓਜ਼ ਵੱਲੋਂ ਇਹ ਵੀ ਯਕੀਨੀ ਬਣਾਇਆ ਜਾਵੇਗਾ ਕਿ ਇਸ ਪ੍ਰਵਾਨਗੀ ਮੁਤਾਬਕ ਜਿਨ੍ਹਾਂ ਕਰਮਚਾਰੀਆਂ ਦੀ ਤਨਖਾਹ ਡਰਾਅ ਕੀਤੀ ਜਾਣੀ ਹੈ, ਉਹ ਕਰਮਚਾਰੀ ਸਿਰਫ਼ ਮਨਜ਼ੂਰਸ਼ੁਦਾ ਅਸਾਮੀਆਂ ਵਿਰੁੱਧ ਤਾਇਨਾਤ ਹੋਣ।