ਪਾਕਿਸਤਾਨ ‘ਚ ਸਰਕਾਰ ਬਦਲਦੇ ਹੀ ਇਸ ਬੈਂਕ ਨੇ ਸ਼ਾਹਬਾਜ਼ ਸ਼ਰੀਫ ਨੂੰ ਦਿੱਤਾ ਵੱਡਾ ਝਟਕਾ

ਇਸਲਾਮਾਬਾਦ 14 ਅਪ੍ਰੈਲ 2022 : ਪਾਕਿਸਤਾਨ ‘ਚ ਚੱਲ ਰਹੀ ਸਿਆਸੀ ਉਥਲ-ਪੁਥਲ ਵਿਚਾਲੇ ਵਿਸ਼ਵ ਬੈਂਕ ਨੇ ਨਵੀਂ ਸ਼ਾਹਬਾਜ਼ ਸ਼ਰੀਫ ਸਰਕਾਰ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਵਿਸ਼ਵ ਬੈਂਕ ਨੇ ਮੌਜੂਦਾ ਵਿੱਤੀ ਸਾਲ ਲਈ ਪਾਕਿਸਤਾਨ ਦੀ ਆਰਥਿਕ ਵਿਕਾਸ ਦਰ ਦਾ ਅਨੁਮਾਨ ਘਟਾ ਕੇ 4.3 ਫੀਸਦੀ ਕਰ ਦਿੱਤਾ ਹੈ, ਜੋ ਪਿਛਲੇ ਸਾਲ ਦੇ ਮੁਕਾਬਲੇ ਲਗਭਗ ਇੱਕ ਫੀਸਦੀ ਘੱਟ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਬਾਹਰ ਜਾਣ ਵਾਲੀ ਸਰਕਾਰ ਦੁਆਰਾ ਊਰਜਾ ਸਬਸਿਡੀ ਦੇਣ ਦੇ ਆਖਰੀ ਸਮੇਂ ਦੇ ਫੈਸਲੇ ਨੇ ਬਜਟ ‘ਤੇ ਵਾਧੂ ਬੋਝ ਪਾਇਆ ਅਤੇ ਅੰਤਰਰਾਸ਼ਟਰੀ ਮੁਦਰਾ ਫੰਡ (ਆਈਐਮਐਫ) ਦੇ ਪ੍ਰੋਗਰਾਮ ਲਈ ਖਤਰਾ ਪੈਦਾ ਕੀਤਾ।

ਵਿਸ਼ਵ ਬੈਂਕ ‘ਚ ਦੱਖਣੀ ਏਸ਼ੀਆ ਖੇਤਰ ਦੇ ਮੁੱਖ ਅਰਥ ਸ਼ਾਸਤਰੀ ਹੰਸ ਟਿਮਰ ਨੇ ਬੁੱਧਵਾਰ ਨੂੰ ‘ਰੂਲਸ ਰੀਸ਼ੇਪਿੰਗ ਇਕਨਾਮਿਕ ਫੋਕਸ ਇਨ ਸਾਊਥ ਏਸ਼ੀਆ: ਏ ਨਿਊ ਵੇਅ ਫਾਰਵਰਡ’ ਸਿਰਲੇਖ ਵਾਲੀ ਰਿਪੋਰਟ ‘ਚ ਕਿਹਾ ਕਿ ਪਾਕਿਸਤਾਨ ਨੇ ਈਂਧਨ ‘ਤੇ ਟੈਕਸ ਛੋਟਾਂ ਅਤੇ ਟੈਕਸ ਹਟਾਉਣ ਦਾ ਫੈਸਲਾ ਕੀਤਾ ਹੈ। ਪਹਿਲਾਂ ਇਸ ਨੇ ਘਰੇਲੂ ਊਰਜਾ ਦੀਆਂ ਕੀਮਤਾਂ ਵਧਾਉਣ ਲਈ ਆਈਐਮਐਫ ਨਾਲ ਆਪਣੇ ਸਮਝੌਤੇ ਦੀ ਪਾਲਣਾ ਕੀਤੀ ਅਤੇ ਸਿਆਸੀ ਵਿਰੋਧੀ ਦਬਾਅ ਨੇ ਪਾਕਿਸਤਾਨ ਸਰਕਾਰ ਨੂੰ ਫਰਵਰੀ ਵਿੱਚ ਬਿਜਲੀ ਅਤੇ ਈਂਧਨ ਦੀਆਂ ਕੀਮਤਾਂ ਵਿੱਚ ਰਾਹਤ ਦੇਣ ਲਈ ਮਜਬੂਰ ਕੀਤਾ।

ਡਾਨ ਅਖਬਾਰ ਵਿਚ ਟਾਈਮਰ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਗਿਆ ਸੀ, ”ਪਾਕਿਸਤਾਨ ਸਰਕਾਰ ਦੇ ਇਨ੍ਹਾਂ ਕਦਮਾਂ ਨਾਲ ਘਰੇਲੂ ਕੀਮਤਾਂ ਵਿਚ ਅਸਥਿਰਤਾ ਘੱਟ ਹੋ ਸਕਦੀ ਹੈ, ਪਰ ਇਨ੍ਹਾਂ ਨੇ ਸਰਕਾਰ ਦੇ ਬਜਟ ਦਾ ਬੋਝ ਵਧਾ ਦਿੱਤਾ ਹੈ।